ЛИТЕРАТУРНА ВЕЧЕР – СЕЌАВАЊЕ НА АНТЕ ПОПОВСКИ
Културно-Информативен Центар -Скопје, ве поканува на Литературна вечер, СЕЌАВАЊЕ НА АНТЕ ПОПОВСКИ на ден 27.10.2011год.(четврток),Салон- Империјал 1, почеток во 19,19 часот.
Анте Поповски ,поет, есеист, препејувач, публицист. Роден 3 јуни 1931г.Починал на 1 октомври 2003г.Завршил Медицински факултет, но решил животот да си го посвети на литературата.Учествува на основањето на МААК. Бил член на Извршниот совет на Македонија, директор на ”Нова Македонија” и “Вардар филм”, потпретседател на Републичката комисија за културни врски со странство, претседател на ДПМ во два мандата и претседател на Советот на СВП.Член на МАНУ и Македонскиот ПЕН центар.
Автор е на книгите:”Одблесоци”, (поезија),”Сина песна”.(поезија),”Оковано време”,(статии и коментари) и други.
Избори од неговата поезија во посебни книги се објавени во Албанија, Грција, Франција, Русија, Турција, Италија, Германија, Велика Британија и Индија.Преведува на светската поезија и есеистика.
Добитник е на повеќе награди.
За неговото творештво ќе говорат, Венко Андоновски, писател и Глигор Чемерски, сликар, а извадоци од делата ќе чита Софија Гогова Врчаковска,артист.