KUJTIM PËR ANTE POPOVSKIN
Qendra Informative – Kulturore në Shkup ka nderin dhe kënaqësinë e veçantë t’ju ftojë në mbrëmjen letrare, KUJTIM PËR ANTE POPOVSKIN, me 27 tetor, 2011 (ditë e enjte), në Sallonin Imperial 1, me fillim në orën 19:19.
Ante Popovski ishte poet, eseist, përkthyes, publicist. Ka lindur me 3 qershor të vitit 1931 dhe ka vdekur me 1 tetor të vitit 2003.Ka mbaruar fakultetin e mjeksisë, por vendosi jetën t’ia kushtojë literaturës. Ishte anëtar i Këshillit Ekzekutiv të Maqedonisë, dhe drejtor i“Nova Makedonia” dhe i “ Vardar Film”, gjithashtu ishte edhe nënkryetar i Komisionit për Marrëdhëniet kulturore me jashtë , kryetar i SHSHM dhe kryetar i MSP.
Zgjedhje të poezisë së tij në librat e veçanta janë botuar në Shqipëri, Greqi, Francë, Rusi, Turqi, Itali, Gjermani, Britania e Madhe dhe Indi.
Është fitues i shumë çmimeve.
Për krijimtarinë e tij do të flasin, Venko Andonovski, shkrimtar dhe Gligor Çemerski, piktor dhe pjesë nga krijimtaria e tijë do ti lexojë Sofija Gogovska Vrçakovska, aktore..