Hapja e ekspozitës “KUJTIMI” nga Faik Kryeziu
Qendra Informative – Kulturore në Shkup ka nderin dhe kënaqësinë e veqantë t’ju ftojë në hapjen e ekspozitës “KUJTIMI” nga Faik Kryeziu,që do të mbahet në datën 25 nëntor,2010 (ditë e enjte) në sallonet e ekspozitës Imperial 1 dhe 2,me fillim në orën 20:00.
Faik Kryeziu ka lindur në vitin 1950 në Rogaçicë, R. e Kosovës, dhe vdiq në vitin 2005 në Shkup. Shkollën e Mesme të Artit e mbaroi në Pejë, R. e Kosovës.Akademinë Pedagogjike e mbaroi në Shkup, në klasën e profesorëve Vangjel Koxhoman, Spase Kunovski, Borko Llazeski dhe Vanço Gjorgjiev.
Punoi si pedagog i lëndës së artit në Sh.F. “Liria” në Shkup.
Ekspozitat individuale të piktorit Faik Kryeziu: Pejë, Rogaçicë (R e Kosovës), Bihaq ( Bosnje dhe Hercegovinë) Pulë ( Kroaci) dhe Shkup. Ka qenë pjesëmarës edhe në disa ekspozita në grup në Maqedoni, Kosovë, Serbi.
.
Në ekspozitë do të paraqiten 60 piktura të punuara në teknikën –vaj në pëlhurë dhe pastel, të punuara në periudhën 1970 – 2005.
Ekspozita do të zgjasë deri më 04 dhjetor,2010.