ИЗЛОЖБА НА СЛИКИ ОД ЉУПЧО САМАРЏИСКИ
Љупчо Самарџиски,сликар, музичар, композитор…….. Роден е 1947 год. во Скопје, Р. Македонија. Музика студирал и дипломирал во Белград и Љубљана. Една деценија живеел во Парис, а последниве 15 години живее и работи на Малта.
Како солиста на контрабас настапувал во повеќе земји на Европа, САД, Канада, Бразил, Мексико…… Настапувал во познатите концертни сали како што се: Beethoven Hall-Vienna, Music Center-Utreht, Museum Boymans van Beuningen-Roterdam, Stedelijk MuseumAmsterdam, University of Sorbonne, UNESCO – Paris, Philharmonic Narodova —Warsaw, Carnegie Hall — New York…Преку 1200 минути на свои композиции, домашни и странски композитори посветени на него, снимил на контрабас за најзначајни радиостаници во Европа и американскиот континент.
Master class држел на Питзбург Универзитет, САД.
Неговите слики се наоѓаат во национални и приватни колекции во Европа, Северна и Јужна Америка.
Член е на повеќе светски меѓународни асоцијации како F.I.A.M. UNESKO
Релизирал 24 самостојни изложби во Македонија, Малта, Холандија, САД, Франција, Србија, Хрватска, Босна и Херцеговина, Словенија и повеќе групни изложби во светот.
Добитник е на повеќе награди и признанија.
На изложбата тој ќе се претстави со 25 дела работени во техника масло на платно, создадени последниве години.
Изложбата ќе биде отворена до 16 октомври 2012 год.
